Testu hauetan, orokorrean
berrikuntzei buruz hitz egiten da. Hasteko, eskolak historian zehar izan duen
aldaketak aztertzen ditu, zer, nola eta zertarako galderak eginez. Bertan
aztertzen da nolako bilakaera izan duen. Izan ere, lehen soilik irakasten zen
helburu batzuk betetzeko, eta ez ikasleek materia ikasteko.
Berrikuntza planifikazio eta hobekuntza
prozesu bat da, borondatez eta planifikatuta dagoen aldaketa prozesua. Baina aldaketak zailak
dira eta denbora behar da hauek burutzeko. Gainera zailtasun asko daude, eskolaren
egitura konplexuagatik, eskola-kulturak irauten duelako.
Gainera, berrikuntzei egindako
erresistentzien ezaugarriak aztertu izan dira baldintza hauek jarraituz:
hezkuntza zentroa aldaketa unitatea da eta aldaketa gertatzeko ikastetxearekin
lotuta dauden pertsonak beharrezkoak dira; pertsona hauek autonomia eta boterea
behar dute; barneko motore bat behar da prozesuak dinamizatzen dituena; motore
hau aldaketa ekimenen, irakasleen lanaren eta ikastetxearen zuzendaritzaren
araberakoa da gehiago, legegintza-erreformarena baino; eta posiblea da
ikastetxeak hobetzea haiek egindakoaz ikasten badu, baina ez du ikasten.
XIX. mende bukaeratik, kultura
arloan egindako berrikuntza bakoitza, eskola aldatuko lukeen profezia bezala
bizi izan da: Liburutegiak, irratia, telebista, ordenagailuak, Internet.
Aurreko hauek eskola ordezkatuko zutela uste zen, baina gero profezia ez da
betetzen.
Eskoletan, aparatu desberdinak
jartzeko inbertitu den diruak ez du eskoletan eragin ez eta irakasteko eta
ikasteko era aldatu; arrazoiak hauek dira:
-Eskola eredu baten inertzia daukagu
(eskolaren gramatika) eta irakasleen identitatearekin zuzenean erlazionatuta
dago. Orduan, eskola aldatzen bada, irakasleen identitatea aldatu behar da eta
eskola industria (testu liburuak) ere aldatu behar da.
Eskola desberdin batek
funtzionatzeko, eta IKTek garrantzia handiagoa izateko beharrezkoa da eskola
industriaren papera aldatzea.
Eskola industria boteretsuen
eskuetan dago eta horregatik oso lan zaila da irakasteko eta ikasteko erak
aldatzea, eskola industriak ez duelako aldatzerik nahi.
-Gaur egungo hezkuntza praktikak eta
orain dela 30 urtekoak ia berdinak dira. Lehen mundu digitala existitzen ez
zelarik.
Eskolak egiten jarraitzen dugu baina
iraganeko ikuspegi batekin.
-Curriculumaren ikuspegia okerrekoa
da. Bere oinarria diziplina da, alde batera utziz ikerketa lana, lan digitalak
…
-Esku hartu behar da ikasleen %30ak
ez baitu bukatzen bigarren hezkuntza, %20ak kalifikazio altuekin bukatzen du
baina ezertarako balio ez diola esaten duelako eta ia %60ak esaten duelako
horrek ez diola bere bizitzan suertatzen zaizkion galderei erantzuten ez eta
eguneroko arazoei irtenbidea aurkitzen laguntzen.
Hauek onartzea hasiera izango zen
eskolarekin zerikusia duen aldaketa kultural batentzako, baina ezinezkoa da
hezkuntzaren eginkizun emantzipatzailean sinesten ez bada eta dirudienez,
politikoek, gizarteak eta hezitzaileek ez dute sinesten.
Berrikuntzak kontuan hartzen dituen
eskola bat, Amara Berri da.
Amara Berri, Donostian kokatzen den eskola bat da eta dirudienez, teknologia berrien erabilera sustatzen dute.
Komunikabideen gela bat prestatuta
dute eta bertan umeek, irratia, telebista, prentsa eta txikiweb atalak ezagutu
ditzakete.
Gela honetan, haurrek eskura dituzte
berrikuntzarako baliabide desberdinak eta material desberdinak ezagutzeko
aukera dute: grabaketa estudioa, baliabide audiobisualak (bideo analogikoa eta
mikrofonoa), kamerak, kameren fitxak eta erreportajeen fitxak jarduerak
programatzeko, ordenagailuak, eskanerrak, editatze programak, mikrofonoak,
inprimagailua, programa berriak sortzeko tresnak…
Amara Berrik honekin lortu nahi duen
helburua, ikasleak teknologia berrien mundura sartzea da.
Irratian
egunero bigarren zikloko bi ikasle daude, irratiaren programazioa eta honen
ordutegia bete dadin ziurtatzen dutenak. Egunero irratian parte hartu duten
ikasleek beraien izenak apuntatzen dituzte koaderno batean. Umeek lan batzuen
artean aukeratu dezakete eta aukeratzen duten lana irratian entzungo da, baina
ordena egon dezan koordinatzaile heldu bat dago beti beraiekin. Irratian bai
gaztelaniaz bai euskaraz hitz egiten da. Asmakizun, poema eta aho-korapiloak
irakurtzen dira. Askotan klaseetan irratian gero irakurriko diren gauzak
lantzen dira, irakasleekin batera. Eguraldia eta graduak komentatzen dira baita
ere.
Txikiweben, 3.ziklokoek parte hartzen dute (5. Maila eta 6. Maila).
Ikasleen lanak, albisteak, marrazkiak, orrialde honetan jartzen dituzte.
Irakasleak ikasleari laguntzen dio arazoak konpontzen. Astero egindako lana
ebaluatzen da.
Telebistan, goizez grabatu egiten da eta arratsaldez editatu (audio
ipini,...) eta internetera igo.
Ikaskuntza kooperatiboa da,
elkarrekin ikasten dute. Arazoak elkarrekin konpontzen dituzte. Grabazioak
planifikatu, entseatu eta ebaluatu egiten dira.
Ostegun eta ostiral goizetan albistegi
bat emititzen da ordu betekoa ikastetxearentzat. Irakasle batek koordinatzen
du. Ikasle gorrek albisteak zeinuen bitartez azaltzen dituzte. Bertan
eguraldia, menua etab. azaltzen dituzte. Ikastetxeko berriak ematen dituzte,
elkarrizketak egin, pelikulen estreinak esan, egungo berriak ematen dira (adib.
Lanbide tasa igotzea), kirolei buruzkoak, kanpoko gertakariak, …
Saioak hainbat galderekin bukatzen
dira, emandako informazioari buruz. Emisioak geletan jarraitzen dituzte.
Astero ebaluatzen dira telebistako
jarduerak.
Aldizkarian talde lanari garrantzia ematen diote. Hasieran paperean
prestatu arren, geroago ordenagailura pasatzen dute, eta horrekin teknologia
berrietara egokitzen ikasten dute.
Irakasleak soilik hasierako bultzada
eman behar die, gero beraiek bakarrik dena egin dezakete inolako arazorik gabe.
Bukatzeko, aipatu behar da, ikasleei
ariketa berri hauek lan egiteko motibazioa ematen diela.
Berrikuntzari
lotuta, hainbat proiektu daude. Proiektuen
bitartezko ikaskuntza, eskoletan metodologia berri bat da. Oraindik gutxi
erabiltzen dena.
Proiektuen bitartezko ikaskuntzan hainbat gauza eskatzen
ditu: gelaren antolakuntza aldatu behar da, ikasleak taldetan lan egin behar
dute, ikasleek autonomia behar dute, baliabide desberdinak egotea, bere
konpetentziak garatzea,…
IKT-n erabilera erronka izan daiteke irakaslearentzat
zenbait baliabide erabiltzen ez badaki.
Helburua, taldean lan egiteko gaitasuna hobetzea,
problemak ebazteko gaitasuna hobetzea, IKT erabiltzeko gaitasuna hobetzea eta
banakako ikaskuntzan erantzukizun gehiago izatea da.
Klaseko proiektuak hainbat puntu izan behar ditu,
edukiak, helburuak, eduki eta gaitasun baldintzak ikasleekiko, proiekturako
taldeak, proiektuen programazioa eta baliabide materialak. Bakoitzaren barruan
eginbeharrekoa zehaztuta dago.
Lana egiteko jarraibide bat jarraitu behar da. Hasieran
gaia definituko da eta prozesuaren informazioa konpartituko da, programak
ezarri, helmuga partzialak ipini, baliabide eta baldintzak identifikatuko dira,
ebaluazio metodoa azaldu eta taldeak osatu.
Taldeak hasieran jarduera batzuk egin beharko ditu,
aurretiazko planifikazio bat egin beharko dute, proiektu posibleak edo ideiak
adierazteko. Ondoren zehazten hasiko da eta laneko planifikazioa egingo dute.
Hemen lehenengo partziala egongo da eta irakasleak feedback emango die.
Proiektuan ikasleak dituen zeregin guztiak egon behar
dira. Taldeek etengabe beraien
proiektuak findu egingo dituzte irakaslearen onarpenarekin eta
elkarlaguntzarekin. Fase honen bukaeran autoebaluazioa eta taldeko ebaluazioa
egingo dute taldeko partaideek. Irakasleak ebaluatu eta feedback-a emango du.
Ondoren aurkezpena prestatzen hasiko dira.
Proiektua bukatzeko azken aldiz landuko da eta aurkeztu
egingo jendaurrean. Azken ebaluazioa izango. Lanarekin bukatzeko beraien lana
eta aurkezpena analizatu beharko dute lortu duten feedback-ekin. Irakasleak
ebaluazio generala egingo du klasean eta noten erregistroa eta hausnarketa
egingo ditu.
Proiektu bitartezko ikaskuntzan, adibide bat, arto lapurra da. Arto lapurra ipuin bat
da. Bere laburpena hau izango litzateke:
Lapur batek baserri batean artoa lapurtzen du egunero.
Baserritarrak arazoa ikusita gau batean itxoiten egon ziren lapurra agertu
arte. Lapurra beti bezala artoa lapurtzen hasi zen eta baserritarrak harrapatu
egin zioten. Baserritarrek zeuzkan bi sakoak kendu zioten lapurrari. Ondoren
baserritarrak ospatu egin zuten lapurra harrapatu zutela. Baina, ospatzen ari
zirela norbait ate joka hasi zen. Lapurra zen bere sako bila zetorrela.
Lapurrari sakoak eman zioten eta lapurrak lapurtutako arto guztia itzuli zien.
Bizkaiko C.E.P. ISPASTER L.H.I. eskolan egin da. Herriko
eskola bakarra da eta ingurunea nekazaria da “Eskola txikia” deitzen diote.
Hiriguneko ikasleak bakarrik joaten dira. Haur hezkuntzan 5 ikasle daude
(ikasle 1 E.I 3 eta 4ikasle E.I 4). Lehen Hezkuntzan 4 ikasle (ikasle 1 E.P 4
eta 3 ikasle E.P 6). 6. Mailako ikasleekin jarri zen proiektu hau martxan.
Eskola honen helburua teknologia berriak gehiago erabiltzea da. Horretarako ipuin tailerra daukate, ipuinak
teknologia berrien bitartez azaltzen dira, horren adibide, arto lapurra
daukagu. Tailer honekin gaitasunak potentziatzen dira irudiak, grafikoak,
taulak etab. bilatzeko orduan. Eskola komunitatean konpartitzeko testuak ahoz
edo idatziz egiten dituzte. Herritik, eskolan egindako lanak zabaltzen dituzte hauek
gogoratzeko edo eguneratzeko.
Eskola txikia denez, informatika gela txikia da. 4
ordenagailu (1 ikasleko), 2 eskaner, grabadora, eta internetera konexioa.
Asteartetan egiten dute 45 minutuko saioan.
Proiektuaren helburua, ipuinak egitea da formatu
digitalean. Horretarako hainbat baliabide erabiltzen dituzte (ikaslearen
adinaren araberakoak): marrazketa artistikoa, sormen literarioa, Word,
Photoshop, soinu grabaketa, internet, korreoaren erabilpena…
Pausoak jarraitzen dituzte lana aurrera emateko:
informazioa interneten bilatzen dute, pertsonak bilatzen dituzte beraien
istorioak kontatzeko (esperientziak),istorioak ahoz kontatzea lotsa
kentzeko,entzundako testuen transkripzioa egitea, testua eszenetan
zatitu,eszena bakoitzari marrazki egokia egin, saio teorikoak egiten dira
baliabide teknologikoen erabilera azaltzeko, marraztutako marrazkiak eskaneatu,
eskaneatutako marrazkiak margotu Photoshop erabiliz, ikasle bakoitzak bere
irudiaren arabera audio grabaketa bat egiten du eta azkenik muntaketa.
Lanen aurkezpena eskola komunitatearen aurrean egiten
dira. Lehen lana bukatuta , arto lapurra, bigarren lanarekin hasi ziren Txanton
Pipirri.
Bukatzeko irakasleak hausnarketa bat egiten du.
Ikasleei gutxien gustatzen zitzaiena grabaketa zen,
gaizki irakurtzen zutelako, ez zitzaien beraien ahotsak gustatzen, barregura
sorrarazten zien eta lotsa pasatzen zuten. Gehien gustatu zaiena Photoshop
erabiltzea izan da.
Lana bukatuta ikusi da haurrak autonomia lortu dutela
ordenagailuan.
0 komentario:
Publicar un comentario